អ្នកបើកបរភាគច្រើនមិនដឹងអំពីការចេញភ្លើង "Check engine" ថាតើវាជាអ្វីនោះទេ? ការយល់ដឹងអំពីបញ្ហានៃការចេញភ្លើងនេះ អាចជួយអោយអ្នកបើកបរទាំងឡាយចៀសផុតពីការខូចបំផ្លាញដែលលក្ខណៈធំដុំដល់ផ្នែកម៉ាស៊ីនរថយន្ត ។
ការចេញភ្លើង "check engine" គឺកំពុងប្រាប់អ្នក អំពីប្រព័ន្ធត្រួតពិនិត្យម៉ាស៊ីនដោយកំព្យុទ័រជួបបញ្ហា នឹងអាចធ្វើអោយរថយន្តបញ្ចេញផ្សែងខ្លាំង។
បញ្ហាទូទៅដែលធ្វើអោយរថយន្តចេញភ្លើង "Check" ដូចជាៈ
- បញ្ហាម៉ាស៊ីនៈ ការបញ្ចេញអុកស៊ីសែន (oxygen), សីតុណ្ហភាពធាតុត្រជាក់ (coolant temperature), MAP (manifold absolute pressure) ឬ sensor នៃលំហូរខ្យល់។
- បញ្ហាភ្លើងៈ ការប៉ះទង្គិចនៃខ្សែភ្លើង ការតប្រព័ន្ធភ្លើងខុសបច្ចេកទេស ខ្សែស៊ីម៉ាំង ឬប្រព័ន្ធផ្នែកប្រេងសាំង ។
- បញ្ហាត្រួតពិនិត្យផ្នែកចែកចាយ (Emission-control failures) ដូចជា ការធូររលុង ឬបែកធ្លាយបំពង់ទុយោរ ការធ្លាយធុង ឬបាត់គម្រប់ហ្គាស ។
ក្នុងការដោះស្រាយបញ្ហា "check engine" វាអាស្រ័យភ្លើងដោយលោតចេញឡើង។ ក្នុងករណីភ្លើង "check engine" ចេញមួយសន្ទុះរួចបាត់ទៅវិញ អ្នកអាចជួបបញ្ហាមួយពេលតែប៉ុណ្ណោះ។ ភ្លើងលោតបាត់ទៅវិញ នៅពេលមិនមានបញ្ហា ប៉ុន្តែប្រព័ន្ធកំព្យុទ័រអាចផ្ទុកនូវបញ្ហាដែលបានកើតមានឡើង ទោះបីបញ្ហាកើតមានមួយពេលក៏ដោយ។ ប្រសិនជាភ្លើងមិនកើតមានផ្ទួនៗទេ អ្នកអាចមិនរវីរវល់បាន ប៉ុន្តែបើភ្លើងឆេះមួយសន្ទុះ រួចបាត់ទៅវិញ ឆេះមួយសន្ទុះ រួចបាត់ទៅវិញ អ្នកត្រូវយករថយន្តធ្វើការត្រួតពិនិត្យជាបន្ទាន់ ។
ក្នុងករណីភ្លើងឆេះ ហើយមិនរលត់ទៅវិញ រថយន្តរបស់អ្នកជាមានបញ្ហាហើយ។ ដូច្នេះអ្នកត្រូវប្រញាប់យករថយន្តធ្វើការត្រួតពិនិត្យភ្លាម។ បញ្ហាដែលកើតមានអាចបណ្តាលមកពីបញ្ហាចំបងៗដូចរៀបរាប់ខាងលើ ។
ក្នុងករណីភ្លើង "check engine" ឆេះបាត់ៗភ្លាមៗ បញ្ហាដែលកើតមានអាចបណ្តាលមកពីប្រតិកម្មបំលែងកម្តៅ។ បញ្ហានេះវាអាចធ្វើអោយបំផ្លាញដល់ផ្នែកបញ្ឆេះម៉ាស៊ីន។ ដូច្នេះអ្នកត្រូវប្រញាប់យករថយន្តធ្វើការត្រួតពិនិត្យ និងជួសជុលជាបន្ទាន់ ៕
Refer: website AutoCambodia.
