-គ្រឿងផ្សំ ៖
បង្កងទន្លេ ឬ បង្កងសមុទ្រ ៦ក្បាល, ជីរវ៉ាន់ស៊ុយ ហាន់ទាំងប្ញសល្អិត ១ស្លាបព្រាបាយ, ខ្ទឹមក្រហម ៥មើម, ម្រេច ប្រមាណ១០គ្រាប់, ប៊ីចេង ឬម្សៅស៊ុប បន្តិចបន្តួច, កាពិ ១ស្លាបព្រាកាហ្វេ, ខ្ទឹមក្រហមចិញ្ច្រាំ ៣មើម, ទឹកស្អាត សម្រាប់ស្ងោរជ្រក់ ៣កែវ, អំបិលម៉ដ្ឋ ១ស្លាបព្រាកាហ្វេ, ទឹកក្រូចឆ្មារ ២ ស្លាបព្រាបាយ, ទឹកអម្ពិលទុំ ៣ស្លាបព្រាបាយ,ស្ករស ៣ស្លាបព្រាបាយ, ដើមខ្ទឹម ហាន់កង់ៗ ២-៣ដើម, ប្រេងឆា ៣ស្លាបព្រាបាយ។
-វិធីធ្វើ ៖
១.យកជីរវ៉ាន់ស៊ុយហាន់រួច បុកលាយជាមួយខ្ទឹមក្រហម និងគ្រាប់ម្រេច ឲ្យម៉ដ្ឋ សឹមដាក់កាពិចូល បុកបន្តទៀត ហើយដួសឡើង ទុកមួយឡែកសម្រាប់ធ្វើជាគ្រឿងសម្ល។
២.ដាក់ប្រេងឆាចូលខ្ទះឱ្យក្តៅ ហើយដាក់ខ្ទឹមក្រហមចិញ្ច្រាំចូល រួចបំពងឱ្យឈ្ងុយ ហើយដួសឡើង ដាក់កូនចាន ទុកសម្រាប់រោយលើសម្ល មុនពេលទទួលទាន។
៣.បង្កង ត្រូវបកសំបក ហើយវះខ្នង ហូតយកសរសៃខ្មៅចេញ រួចលាងទឹកឱ្យស្អាត តែត្រូវទុកកន្ទុយ និងក្បាល ដោយគ្រាន់តែកាត់ព្រុយវាចេញបានហើយ។
៤.ដាក់គ្រឿងគ្រៅដែលបានបុករួច ឆាក្នុងឆ្នាំងដែលនៅសល់ប្រេងខ្លះៗ បន្ទាប់មក ថែមទឹកចូល ហើយដាក់អំបិល។ ពេលទឹកពុះខ្លាំង ថែមទឹកក្រូចឆ្មារ ទឹកអម្ពិលទុំ ស្ករស ទឹកត្រី និងប៊ីចេង ឬម្សៅស៊ុប ហើយភ្លក្សមើលឱ្យមានរសជាតិជូរ ប្រៃ ផ្អែមល្មម សឹមដាក់បង្កងចូល រម្ងាស់រហូតឆ្អិន រួចដាក់ខ្ញី និងដើមខ្ទឹមហាន់ មុននឹងដាក់ចុះពីចង្ក្រាន៕
