ប៉ុន្ដែ ប្រសិនបើមានអ្វីខុសប្រក្រតីកើតឡើងចំពោះភ្នែក ដូចខាងក្រោម គួរប្រញាប់ទៅពិគ្រោះជាមួយគ្រូពេទ្យផ្នែកចក្ខុជាបន្ទាន់...។
-ភ្នែកស្រវាំង ៖ ឃើញរូបភាពស្រវាំង ឬព្រិល ដោយកើតបន្ដិចម្ដងៗ។
-ត្រូវផ្លាស់ប្ដួរវ៉ែនតាញឹកញាប់ ៖ ដោយសារភ្នែកមីញ៉ូបកាន់តែខ្លាំង គឺការសម្លឹងមើលឆ្ងាយ មិនសូវច្បាស់ មើលជិតច្បាស់ជាង ជាដើម។
-ចាញ់ពន្លឺ ៖ មានបញ្ហាក្នុងការសម្លឹងមើល ពិសេស ក្នុងកន្លែងដែលមានពន្លឺខ្លាំង ឬការសម្លឹងមើលអំពូលភ្លើង ក្នុងពេលយប់ ជាដើម។
-ភ្នែកម្ខាងអាចសម្លឹងរូបភាពត្រួតគ្នា ៖ កើតពីពន្លឺដែលជះទៅរ៉េទីនភ្នែក ផ្ដុំពន្លឺច្រើនចំណុច ទើប ធ្វើឱ្យឃើញរូបភាពពីរ ឬបីត្រួតគ្នា និងមើលឃើញពណ៌ផ្សេងៗ ខុសពីមុន ជាពិសេស ពណ៌លឿង។
-ឈឺភ្នែក និងកើតមានសម្ពាធក្នុងភ្នែក ៖ ជាអាការដ៏គ្រោះថ្នាក់ ព្រោះខ្សែភ្នែកកាន់តែស្រវាំងទៅៗ ពិបាកកែ ឬអាចកែមិនបានក៏មាន។
