ស្ដ្រីមួយចំនួន ដែលមានត្រគាកធំជ្រុលពេក តែងបារម្ភខ្លាចមើលទៅមិនស្រស់ស្អាត ប៉ុន្ដែ យោងតាមអ្នកវិទ្យាសាស្ដ្រពីសាលាវេជ្ជសាស្ដ្រហារវ៉ាដ ទីក្រុងប៊ូស្ដុន សហរដ្ឋអាមេរិក បានប្រាប់ថា
ជាតិខ្លាញ់ នៅបរិវេណនីមួយៗក្នុងខ្លួនមនុស្ស មិនអាក្រក់ទាំងអស់នោះទេ ដូចជា ជាតិខ្លាញ់បរិវេណក្បាលពោះ អាចជះឥទ្ធិពលឱ្យកើតជំងឺទឹកនោមផ្អែម កាន់តែងាយ ប៉ុន្ដែ ស្ដ្រីដែលមានជាតិខ្លាញ់បរិវេណក្បាលពោះ បែរជាមិនសូវមានជំងឺនេះទៅវិញ។
នេះគឺដោយសារជាតិខ្លាញ់ ដែលប្រមូលផ្ដុំបរិវេណត្រគាក និងកំប៉េះគូទ ជាជាតិខ្លាញ់ ប្រភេទនៅក្រោមស្បែក អាចជួយជំរុញអ៊ីនស៊ូលីន ដែលជាអ័រម៉ូន ជួយសម្រួលកម្រិតជាតិស្ករក្នុងឈាម ឱ្យដំណើរការ ទើបជួយការពារការកើតជំងឺទឹកនោមផ្អែមបាន។
អ្នកវិទ្យាសាស្ដ្របានពិសោធន៍ ដោយនាំយកជាតិខ្លាញ់ក្រោមស្បែក របស់កណ្ដុរ ទៅចាក់ចូលបរិវេណក្បាលពោះ និងក្រោមស្បែករបស់សត្វកណ្ដុរ មួយក្បាលទៀត លទ្ធផលឃើញថា សត្វកណ្ដុរទាំងនេះ ស្រកទម្ងន់ កោសិកាខ្លាញ់ មានការរួញខ្លួន ថែមទាំងដុតបំផ្លាញអាហារបានល្អទៀតផង ទាំងដែលគ្មានការផ្លាស់ប្ដូរ ប្រភេទអាហារដែលទទួលទាន ឬកិច្ចការផ្សេងៗ របស់សត្វកណ្ដុរឡើយ។
សម្រាប់របកគំហើញនេះ អ្នកស្រាវជ្រាវនឹងនាំយកទៅរកការផលិតថ្នាំប្រភេទថ្មី ពីជាតិខ្លាញ់ របស់មនុស្ស៕
