ផ្លែសារី ក្រូចឆ្មារ និងផ្លែគីវី មានសារធាតុអាហារមានប្រយោជន៍សំខាន់ អាចកម្ចាត់ជាតិពុលចេញពីរាងកាយ និងមានសារធាតុប្រឆាំងនឹងរ៉ាឌីកាល់សេរី ដែលជាប្រភពបង្កមហារីក។ ដូច្នេះ បើអ្នកធ្វើភេសជ្ជៈ ដោយកិនក្រឡុកផ្លែឈើទាំង៣យ៉ាង អ្នកនឹងទទួលបាននូវសារធាតុអាហារយ៉ាងសម្បូរបែប ថែមទាំងអាចបង្ការជំងឺមហារីក បានទៀតផង...។
ទឹកក្រឡុកផ្លែសារី ៖
សម្បូរដោយវីតាមីន C, អាស៊ីដហ្វូលិក, ណៃអាស៊ីន, កាល់ស្យូម, ប៉ូតាសស្យូម និងម៉ាញេស្យូម អាចកម្ចាត់កូលេស្តេរ៉ូល សម្អាតពោះវៀន សម្អាតសារធាតុមិនល្អនៅក្នុងតម្រងនោម មានសារធាតុប្រឆាំងនឹងរ៉ាឌីកាល់សេរី។
ទឹកក្រឡុកក្រូចឆ្មារ ៖
ជាប្រភពប្រមូលផ្តុំនៃវីតាមីន B1, B2, B4, វីតាមីន C, ការបូអ៊ីដ្រាត, ប្រូតេអ៊ីន និងសារធាតុរ៉ែ ជួយកាត់ស្លេស្ម, បណ្តេញព្រូន, លាងសារធាតុពុលក្នុងរាងកាយ, ការពារជំងឺចេញឈាមតាមជើងធ្មេញ, ព្យាបាលក្អក និងក្អួតចង្អោរ វិលមុខ ជាដើម។
ទឹកក្រឡុកផ្លែគីវី ៖
មានវីតាមីន C, ម៉ាញេស្យូម, ប៉ូតាសស្យូម, កាល់ស្យូម, ផូស្វ័រ, សូដ្យូម និងបេតាខារ៉ូទីន ប្រឆាំងនឹងរ៉ាឌីកាល់សេរី ការពារមហារីក និងការពារជំងឺសើស្បែក៕
