ចេកណាំវ៉ា (ចេកទឹក) មិនត្រឹមតែធ្វើឱ្យស្បែក ស្រស់ស្អាតនោះទេ ថែមទាំងអាចបំបាត់នូវបញ្ហាក្លិន មាត់បានថែមទៀត។ ក្រៅពីនេះ ចេកណាំវ៉ា នៅមានប្រយោជន៍ជាច្រើនទៀត ចំពោះសុខភាព...។
-កែបញ្ហារឿងក្លិនមាត់ ៖
ពេលក្រោកពីគេង អ្នកមិនត្រូវប្រញាប់ដុសធ្មេញ ភ្លាមទេ អ្នកត្រូវទទួលទានចេកណាំវ៉ា ១ផ្លែសិន ធ្វើបែបនេះ រយៈពេល១សប្តាហ៍ នោះក្លិនមាត់ នឹងបាត់ទៅដោយខ្លួនឯង។
-ជួយធ្វើឱ្យស្បែកស្អាត ៖
ចំពោះស្បែកដែលធ្លាប់ស្លេកស្លាំង នៅពេល ដែលទទួលទានចេកណាំវ៉ា ចូលទៅពេលពោះទទេ ជាប្រចាំ រៀងរាល់ថ្ងៃ នោះស្បែករបស់អ្នកនឹងភ្លឺថ្លា ម្តងបន្តិចៗ ព្រោះថា ពេលពោះទទេ រាងកាយនឹង ស្រូបយកវីតាមីន C, វីតាមីន D, វីតាមីន E ដែល មានប្រយោជន៍ដល់ស្បែក ពីចេកណាំវ៉ា បានច្រើន ជាងពេលធម្មតា។
-ធ្វើឱ្យអាយុវែង ៖
យកចេកណាំវ៉ាទុំជោរ មកបកសំបកចេញ ហើយយកទៅត្រាំក្នុងទឹកឃ្មុំ ដោយទុកចោល ១អាទិត្យ រហូតដល់ទឹកឃ្មុំជ្រាបចូលក្នុងសាច់ចេក បន្ទាប់មក អ្នកនឹងទទួលបានបង្អែមដែលល្អបំផុត ចំពោះសុខភាព យកមកទទួលទាន ក្នុង១ថ្ងៃ ២-៣ផ្លែ ជំនួសនំដែល មានជាតិកាឡូរីខ្ពស់ទាំងឡាយ។ ក្រៅពីធ្វើឱ្យមានរូបរាងស្អាតហើយ ប្រព័ន្ធប្រឆាំងមេរោគ ក៏មានភាព រឹងមាំជាងមុន មិនងាយនឹងកើតជំងឺផ្សេងៗបាន ថែមទៀត។
-កែខៃបញ្ហាទល់លាមក ៖
ចេកណាំវ៉ា មានជាតិកាកសរសៃអាហារខ្ពស់ ចំពោះអ្នកដែលមិនចូលចិត្តទទួលទានបន្លែ គួរងាកមក ទទួលទានចេកណាំវ៉ា ជំនួស នោះនឹងធ្វើឱ្យប្រព័ន្ធបញ្ចោញចោល ដំណើរការបានល្អ។
-បញ្ឈប់ជំងឺរាករូស ៖
ចេកទុំ ធ្វើឱ្យការបញ្ចោញចោលប្រព្រឹត្តទៅបានស្រួល តែចេកខ្ចី អាចធ្វើឱ្យទល់លាមក។ សម្រាប់អ្នកដែលមានបញ្ហារាករូស ប្រសិនបើបានទទួលទានចេកណាំវ៉ា ១ផ្លែ មិនយូរប៉ុន្មាន ជំងឺរាករូសនោះ នឹងបាត់បន្តិចម្តងៗ។
-ចេកល្អ សំបកត្រូវមានអុជៗខ្មៅ
បើអ្នកចង់ បានអាហារផ្តល់សុខភាព អ្នកគួរជ្រើសចេក ដែលមានចំណុចអុជៗខ្មៅ ព្រោះបើតាមអ្នកស្រាវជ្រាវជប៉ុន បានប្រាប់ថា ពេលចេកទុំ វានឹងបង្កើតសារធាតុឈ្មោះថា TNF (Tumor Necrosis Factor) ឡើងមក ដែលជួយបង្កើនភាពរឹងមាំ ដល់ប្រព័ន្ធការពារជំងឺ របស់មនុស្ស ប្រឆាំងកោសិកាមហារីក និងធ្វើឱ្យគ្រាប់ឈាមស រឹងមាំ ហើយបើចេកទុំជោរ នឹងកាន់តែមាន TNF ច្រើន។ ចេកដែលមានសំបករលាងស្អាត គ្មានចំណុចអុជខ្មៅសោះ នឹងមិនទទួលបានសារធាតុនេះឡើយ។ ជាពិសេស ចេកដែលទុំជោរខ្លាំង រហូតមានចំណុចអុជខ្មៅ ច្រើនកន្លែង អាចជួយបង្កើនគ្រាប់ឈាមស ឱ្យអ្នក រឹងមាំជាងចេកខ្ចី ដែលសំបកពណ៌បៃតង ដល់ទៅ៨ដង ឯណោះ៕
