ការធ្វើពងទាប្រៃ ដោយទឹកអំបិល ងាយស្រួសជាងការប្រឡាក់ផេះអង្កាមប្រៃ ។ ខាងក្រោមនេះជាវត្ថុដែលត្រូវត្រៀម និងវិធីធ្វើ។
- វត្ថុត្រៀម :
- ពងទាចំនួន ១២ គ្រាប់
- ទឹកចំនួន ១២ ពែង
- អំបិលចំនួន ៦ ពែង
- វិធីធ្វើ :
- ដាក់ទឹកក្នុងឆ្នាំង ដាក់អំបិលចូល កូរឲ្យរលាយ ដាក់ដាំលើភ្លើងរហូតពុះ រួចលើកចេញ ទុកឲ្យត្រជាក់
- លាងពងទាឲ្យស្អាត ជូតឲ្យស្ងួត
- យកកែវធំមួយចាក់ទឹកអំបិលចូលបន្តិច ក្រឡុកលាងរួចចាក់ចេញវិញ
- តម្រៀបពងទាទៅក្នុងកែវ ប្រយ័ត្នកុំឲ្យបែក រួចយកទៅទុកនៅទីមួយ មិនត្រូវពីកំដៅង្ងៃ និងគ្មានសំណើម រយៈពេល ១២ថ្ងៃ ពងទាប្រៃនេះ អាចយកមកចំអិនជាម្ហូបបាន
- ចំពោះវិធីចម្អិន គឺស្ងោរពងទាប្រៃត្រឹមតែ ១០នាទី ជាការស្រេច។
ពងទាប្រៃធ្វើតាមរបៀបនេះ អាចរក្សាទុកបានច្រើនខែ ប៉ុន្តែពងក្រហមខាងក្នុងរបស់វា មិនបានក្រហមដូចជាការធ្វើប្រឡាក់ផេះអង្កាមប្រៃនោះឡើយ៕
