ការរួមភេទ គឺជាកិច្ចការរបស់មនុស្ស២នាក់ បញ្ហាភាពមិនសុខសមបំណងដែលកើតឡើងលើគ្រែ មាន ផលប៉ះទង្គិចចំពោះអារម្មណ៍ជាខ្លាំង ធ្វើឱ្យមានភាពតានតឹង អាចជាមូលហេតុនៃការបែកបាក់គ្នា នៅទីបំផុតបាន ដែលអ្នកគួររកវិធីកែខៃឱ្យបានសមស្រប...
១.រកមូលហេតុឱ្យឃើញ ៖
បើរាងកាយអ្នកគ្មានកម្លាំងតបស្នងអារម្មណ៍ផ្លូវភេទ តាមដែលអ្នកចង់ ពេលខ្លះ វាជាផលដែល កើតចេញពីភាពច្របូកច្របល់អារម្មណ៍ ហើយរាងកាយមិនសម្ដែងអាការតបត ឬកើតការឈឺថ្កាត់ ឬអាចមានមូលហេតុមកពីភាពតានតឹង។ សាកល្បងរកបញ្ហារបស់អ្នកថា វាកើតមកពីមូលហេតុអ្វី? ពេលខ្លះ អ្នកដឹងថា បញ្ហា គឺអ្វី ប៉ុន្ដែ ពេលខ្លះមិនព្រមទទួលស្គាល់ការពិត ព្រោះ តែលាក់បញ្ហាទុកនៅក្រោយខ្នង និងព្យាយាមគិតថា បានដោះស្រាយរួចហើយ។
២.រួមកាយរួមចិត្ដដោះស្រាយបញ្ហា ៖
អ្នកទាំងពីរ គួរបើកចិត្ដទូលាយ ពិភាក្សាគ្នា ដើម្បីរកមូលហេតុពិតប្រាកដ ដែលធ្វើឱ្យអ្នកខូចអារម្មណ៍ ឬមានអារម្មណ៍មិនស្រួលចិត្ដ។ ការជជែកដោយមិនបន្ទោសគ្នា នឹងធ្វើឱ្យអ្នករកឃើញឫសគល់បញ្ហា។ បើរកឃើញហើយ អ្នកនឹងអាចកាត់បន្ថយកង្វល់ បានច្រើនជាងពាក់កណ្ដាល ព្រោះអ្នកនឹងអាចរកវិធីទប់ទល់ កែខៃវាបាន បើការកែខៃធ្វើទៅដោយពិបាក អ្នកនឹងនៅមានមធ្យោបាយ ជួយគិតគ្នាថា នឹងការពារបញ្ហាមិនឱ្យរាលដាលធំឡើង បានយ៉ាងដូចម្ដេច? ពេលនោះ អ្នកនឹងអាចកម្ចាត់ភាពតានតឹងបាន ព្រោះយ៉ាងហោចណាស់ ក្នុងពេលដែលអ្នកនៅក្នុងបន្ទប់គេងជាមួយគ្នា អ្នកនៅអាច បែងចែកចិត្ដ មកសប្បាយជាមួយរឿងលើគ្រែបាន។
៣.យល់ពីសារសំខាន់របស់សិច ដែលមាន ចំពោះភាគីម្ខាងទៀត ៖
ស្ដ្រីភាគច្រើនគិតថា សិច គឺជាផ្នែកមួយនៃជីវិតគូ គឺមានក៏បាន គ្មានក៏បាន ប៉ុន្ដែ សុំឱ្យតែបាន នៅជាមួយមនុស្សដែលខ្លួនស្រលាញ់ បានថែទាំដៃគូ គឺគ្រប់គ្រាន់ហើយ។ តែសម្រាប់បុរស វាគឺជារឿងសំខាន់ណាស់ អាចដោយសារវាជាតម្រូវការគ្រឹះរបស់បុរស ព្រោះពេលដែលគេបានបញ្ចេញទឹកកាម នឹងធ្វើឱ្យមានគេអារម្មណ៍ធូរស្បើយ។ រឿងនេះ ទាក់ទងនឹងរឿងដែលថា បុរសមួយចំនួន មានភរិយារួចហើយ ប៉ុន្ដែ ហេតុអ្វីនៅគិតមានស្រីផ្សេងទៀត? តាមចម្លើយពួកគេបានប្រាប់ថា ដោយសារភរិយា មិនព្រមឱ្យរួមភេទ បុរសខ្លះប្រាប់ថា ខែខ្លះ បានតែ១-២ដងប៉ុណ្ណោះ ទើបពួកគេចេញទៅរក ក្រៅខ្លះ។ ដូច្នេះបើមិនសូវមានសោះ ឬអ្នកសោះអង្គើយចំពោះតម្រូវការរបស់បុរស គេប្រាកដជាលួចទៅស៊ីក្រៅមិនខាន។
៤.ដឹងពីធម្មជាតិរបស់សិច ៖
ការឡើងគ្រែ ដោយសង្ឃឹមឱ្យអវយវៈភេទបុរសឡើងរឹង ឬអវយវៈភេទស្ដ្រីជោកជាំដោយទឹករំអិលភ្លាមៗនោះ មិនមែនជារឿងពិតប្រាកដឡើយ ព្រោះវាមានតែនៅក្នុងភាពយន្ដសិច ប៉ុណ្ណោះ។ អ្វីដែលអ្នកគួរធ្វើ គឺអ្នកទាំងពីរ ត្រូវអង្គុយ លើគ្រែជាមួយគ្នា ទាំងមានសម្លៀកបំពាក់ជាប់ខ្លួន នែបនិត្យជិតគ្នា ផ្លាស់ប្ដូរការប៉ះពាល់គ្នា និងម៉ាស្សា រាងកាយឱ្យគ្នាទៅវិញទៅមក ដើម្បីបន្ធូរភាពតានតឹង រួចសឹមចាប់ផ្ដើមដោះសម្លៀកបំពាក់ចេញមួយៗ។ ពេលខ្លះអ្នកទាំងពីរ អាចងូតទឹកក្ដៅឧណ្ហៗជាមួយគ្នា ទុកឱ្យពេលវេលាជួយរំសាយកង្វល់ចេញ មុននឹងចាប់ផ្ដើម។
៥.ប្រាប់ពីតម្រូវការរបស់ខ្លួន ៖
ការយកចិត្ដយកថ្លើម ឬតាមចិត្ដគូស្នេហ៍ក្នុងរឿង ដែលអ្នកមិនគាំទ្រ គ្រាន់តែដើម្បីឱ្យភាគីម្ខាងទៀត ស្កប់ចិត្ដ ឯអ្នកនឹងក្លាយជាភាគីទទួលការមិនស្កប់ស្កល់ចិត្ដខ្លួនឯងទៅវិញទេ។ ក្នុងខណៈដែលអ្នកគ្មានអារម្មណ៍ចង់ធ្វើ ពេលនោះ អ្នកមិនអាចប៉ាន់ស្មានឱ្យរាងកាយរបស់អ្នកតបស្នង ឬវាយសម្រុកបានល្អ ហើយនៅទីបំផុត អ្នកទាំងពីរអាចខូចអារម្មណ៍បាន។ អ្វីដែលគួរធ្វើ គឺត្រូវការពេលវេលាខ្លះដែល នៅកៀកកិតគ្នា ឱបក្រសោប សម្ដែងសេចក្ដីស្រលាញ់ និងការព្រួយបារម្ភ ការលួងលោមចិត្ដ ឬផ្សេងៗទៀត ដោយមិនត្រូវមានសិចចូលមកពាក់ព័ន្ធ ត្រូវប្រាប់គេត្រង់ៗថា អ្នកត្រូវការឱបគេជិតស្និទ្ធិ មិនមែន ដើម្បីដាស់អារម្មណ៍ទេ គឺដើម្បីប្រលោមស្នេហ៍គ្នា តែប៉ុណ្ណោះ។
៦.ប្រឹក្សាជាមួយអ្នកដែលដឹងពិតប្រាកដ ៖
បើរឿងមួយចំនួនដែលកើតឡើង និងជាបញ្ហា ដែលហួសពីសមត្ថភាពកែខៃដោយខ្លួនឯង សូម ណែនាំឱ្យអ្នកទៅប្រឹក្សាជាមួយមនុស្សដែលដឹងពិតប្រាកដជាជាងការមកអង្គុយប៉ាន់ស្មានថា ភាពមិនសុខស្រួល កើតមកពីមូលហេតុអ្វី? មុននឹងបញ្ហា រាលដាលធំត្រូវធ្វើចិត្ដឱ្យក្លាហាន ទៅប្រឹក្សាគ្រូពេទ្យជំនាញៗ ល្អជាង ព្រោះរឿងខ្លះ អាការខ្លះ ការគ្រាន់តែ សួរមិត្ដភក្ដិ ឬអ្នកដែលមានបទពិសោធន៍ ពេលខ្លះ ពួកគេទាំងនោះមិនដឹងថា អ្នកកើត អ្វី ហើយត្រូវកែខៃដោយវិធីណាឡើយ ព្រោះពួកគេ មិនធ្លាប់កើតដូចអ្នក៕ (Refer: AKT)
